أجنحة الدجاج بصلصة البافالو

هذي مدة طويلة وانا نحوس على هذي الوصفة ديما نشوفها في التيليفزيون ياكلوها الامريكيين أصلا هوما مشهورين بخلطات اجنحة الدجاج المميزة وحتى عندهم مطاعم متخصصة فقط في طهي أجنحة الدجاج مممممممم
يعني تشوفو طبق كيما هذا ماتشهاوش فيه ممممممم سالو ريوقي [ندعوك للتسجيل في المنتدى أو التعريف بنفسك لمعاينة هذه الصورة]

أجنحة الدجاج هي أكثر قطعة من الدجاجة مفضلة عند كل أسرتي وماتتصوروش كي نحمرو جاجة الحرب اللي تصرى على الجنحين [ندعوك للتسجيل في المنتدى أو التعريف بنفسك لمعاينة هذه الصورة]
يعني في دارنا اجنحة دجاج = بنة مممممممممممممممممم [ندعوك للتسجيل في المنتدى أو التعريف بنفسك لمعاينة هذه الصورة]

حوست ولقيت بزاف وصفات وكل وحدة مختلفة على الثاينة بصح المشكل انو كامل متفاهمين على الصويا صوص وعلى صلصة الشواء وعلى التوباسكو صوص وووووو ,,,, يعني باختصار كامل غير متوفرين عندنا ,,,, وليت فكرت قلت علاه مانديرش خلطة من توابل وحوايج اخرين يعطيوني طعم يشبه في هذو الصلصات ونجيب طعم كيفها [ندعوك للتسجيل في المنتدى أو التعريف بنفسك لمعاينة هذه الصورة] ,,,,, تبعوني كيفاش خلطت حتان خرجت للوصفة اللذيذة هذي بصح امانة وحدة ماتقولي صلصة البافالو ماجيش هكذا راهي طريقتي وبإمكانياتي وعلى ضمانتي الشخصية [ندعوك للتسجيل في المنتدى أو التعريف بنفسك لمعاينة هذه الصورة]

المقادير

- أجنحة دجاج حسب أفراد العائلة منقية ومغسولة ممقطرة مليح من الماء وكل جناح نقسمو لقطعتين مثل مايبان في الصور أسفل
- أربع ملاعق زيت + ملعقة زبدة للقلي
- ملعقة كبيرة كاتشاب
- ملعقتان صغيرتان من الطماطم المصبرة
- نصف بصلة مرحية
- ثلاث فصوص ثوم مرحيين
- هريسة ( الكمية ترجع ليكم انا حطيت ملعقة كبيرة لأنو هريسة بروقة بنينة وماشي حارة )
- ملعقة صغيرة خل
- ملعقة صغيرة سيرو الرمان ( إذا مالقيتوش ماشي مشكل وماتخافوش مايبانش [ندعوك للتسجيل في المنتدى أو التعريف بنفسك لمعاينة هذه الصورة] )
- زوج ملاعق صغيرة عسل
- نصف مكعب مرق دجاج

التوابل :

- ملح
- فلفل أسود
- كسبر
- كمون ( مانكثرش )
- بودرة ثوم
- فلفل احمر

الطريقة :

- نحط المقلاة تسخن على نار متوسطة وهي فاغة ومنين تسخن نحط فيها الزبدة والزيت ورشة خفيفة برك نتاع ملح ومنين يسخنو نحط أجنحة الدجاج ونحمرها على الجهتين ,

[ندعوك للتسجيل في المنتدى أو التعريف بنفسك لمعاينة هذه الصورة]

هنا كي تحمرو
[ندعوك للتسجيل في المنتدى أو التعريف بنفسك لمعاينة هذه الصورة]

نحيتهم من المقلاة حطيتهم في صحن

[ندعوك للتسجيل في المنتدى أو التعريف بنفسك لمعاينة هذه الصورة]

- نقصت شوية من هذاك الزيت اللي في المقلاة لانو بزاف وحطيت في نفس المقلاة باش نستفاد من طعم الجاج : ثوم وبصل وقليتهم شوية

[ندعوك للتسجيل في المنتدى أو التعريف بنفسك لمعاينة هذه الصورة]

ثم اضفت الهريسة والطماطم المصبرة وقليت شوية برك

[ندعوك للتسجيل في المنتدى أو التعريف بنفسك لمعاينة هذه الصورة]

ثم حطيت كل ماتبقى من مكونات ومرقت بنص كاس كبير ماء ونقصت للنار خلاص وخليتها طيب وتتسبك في راحتها

[ندعوك للتسجيل في المنتدى أو التعريف بنفسك لمعاينة هذه الصورة]

- منين حسيت الصوص عقدت أضفت أجنحة الدجاج وخلطتها في الصوص مليح وخليتها طيب وتأخذ من نكهة الصوص ( دائما على نار هادئة ) وكل شوية نحرك باش الاجنحة تتشرب كامل مليح هذيك الصوص

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

- نذوق الملح إذا تحتاج نزيد و هنا كي طابت قدمتها مع بطاطا سوتي بالثوم والأعشاب [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

- تقدم مباشرة وهي ساخنة بنتها كي تكون سخونة ممممممممممممممم[ندعوك للتسجيل في المنتدى أو التعريف بنفسك لمعاينة هذه الصورة]

مانقولكمش بنينة الصور تحكي وحدها عن البنة ممممممممممممممممممممم[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

جربوها راهي بنينة بزاف كيما تبان في الصو
ر

شكراااا لعى الوصفة باينة بنينة

تسلم لايادي

شكرا