ما عندكش جبن مبشور وحابة ديري بيتزا؟ تفضلي

ساعات بزاف يكون ماعنديش جبن مبشور و نحب ندير بيتزا و صراحة الغرييار راهو غالي خاصة لما تكون الأسرة كبيرة واش يكفي فيها غرييار ههههه، لذا لقيت أن هذي الصلصة هي الحل ، جربتها و صلحت وطبعا كما العادة عدلت في الوصفة [ندعوك للتسجيل في المنتدى أو التعريف بنفسك لمعاينة هذه الصورة] .
هذا كان الموجز والآن التفاصيل [ندعوك للتسجيل في المنتدى أو التعريف بنفسك لمعاينة هذه الصورة]:

المقادير :
* 1 حبة بصل مقطعة رقيقة و مقلية ( حمريها شوية ماشي تذبليها برك + ماديريش بصل أخضر ، ديري بصل عادي + ما تحطيش فيها الملح )
* من 1-2 بيض ( أنا حطيت 2 لأن الكمية نتاعي كبيرة ، درت 2 قرصات بيتزا كبار )
* 6 قطع جبن ( قد ما تحطي جبن جي بنينة و مخادعة هههه [ندعوك للتسجيل في المنتدى أو التعريف بنفسك لمعاينة هذه الصورة] )
* فلفل أسود
* ملعقة كبيرة زيت زيتون ( ما تخافيش طعمه لن يظهر فيما بعد )
* 1-2 فنجان صغير حليب ( حسب الكمية )

الطريقة :
حطي كل المكونات في الروبو و ارحيهم ملييييح حتى تتحصلي على صلصة ملساء ، مثل هاذي :

[ندعوك للتسجيل في المنتدى أو التعريف بنفسك لمعاينة هذه الصورة]

إضغط هنا لمشاهدة الصورة كاملة

[ندعوك للتسجيل في المنتدى أو التعريف بنفسك لمعاينة هذه الصورة]

بعد ما تحطي صلصة الطماطم و تزيني البيتزا نتاعك صبيها فوق البيتزا ودخليها إل الفرن و شوفي النتيجة :

[ندعوك للتسجيل في المنتدى أو التعريف بنفسك لمعاينة هذه الصورة]

إضغط هنا لرؤية الصورة بحجمها الطبيعي.

[ندعوك للتسجيل في المنتدى أو التعريف بنفسك لمعاينة هذه الصورة]
أسمحولي الإضاءة في المطبخ قوية ، الصورة جات ضاوية بزاف .

الخداع ليس فقط في الشكل و لكن أيضا في الطعم [ندعوك للتسجيل في المنتدى أو التعريف بنفسك لمعاينة هذه الصورة] بنيينة مممم ،

* ملاحظات :
* ما نسيتش الملح ، راهي جي مالحة من الجبن ، إذا حطيتو جبن كمية قليلة ذوقو وإذا تحتاج زيدو رشة ملح
* إذا عندك شوووية غرييار مبشور فاضل ديريه فيها ، ماشي مشكل

merci bc ^^

شكرالك بارك الله فيك