لعجوزة و لعروسة ~ مشاكل و حلول

السلام عليكم و رحمة الله و بركاته

أخواتي

حيآآآكن الله جميعآآآ ..

أحببت التطرق إلى موضوع شاع و ذاع صيته في عائلاتنا .. ولا يكاد يخلو بيت جزائري من الكلام عنه ..

وهو موضوع لعجوووزة و لعروووسة ..

في البداية يكون كل شيء جميل .. الخطوبة .. فالعرس .. والزواج [ندعوك للتسجيل في المنتدى أو التعريف بنفسك لمعاينة هذه الصورة].. كل شيء يمر بسرعة .. حتى تجد العروس نفسها في بيت الزوجية ..

عآآآدة تكون الأيام الأولى جميلة .. لعروسة تنادي لعجوزتها يما و لعجوزة تناديها بنتي ..

و المعاملة بين الطرفين تكون في منتهى الرقة و الإحسان و الأدب ...

[b]❀ لكن للأسف سرعان ما ينقلب كل شيء رأسا على عقب .. و البداية عادة بإطلاق المعاني .. بحيث لعجووز لما ما يعجبهاش شيء تبدأ تمعني ( كيما يقولوا : الهدرة عليا و المعنى على جارتي ) و كيما تعرفوا فالغالب لعجوز تستغل فرصة ذهاب ابنها للعمل و خروج الشيخ للتسوق مثلا .. و تبدا لعجوز تتكلم بالسوء على عروستها باش اتشوه سمعتها عند العائلة وووو ...

❀ و من هنا يبدأ الصراع و الأخذ و الرد و الغيرة و الحسد و تبدأ المشاكل .. و تتعدد حلقات المسلسل الطويل .. و كل يوم حكاية ..

بل أحيانا تصل الأمور الى الطلاق و السحر و_ العياذ بالله _ لأجل أن تحافظ كل واحدة على منصبها ..

الكلام في هذا الموضوع طووووويل جدا جدا .. و صعب عليا الإلمام بكل جوانبه ..

[/b]

[b][size=24]❀ لذلك أحببت فتح هذه الصفحة لطرح مشاكلنا في هذا الباب و مساعدة بعضنا البعض في ايجاد الحلول التي ترضي الله عز و جل .. و تساعدنا على العيش بسعادة و هناء ..
[/size][/b]

يعطيك الصحة موضوع هايل
الحل الوحيد هو العجوزة كي تزوج بنها ديرلو دار وحدوا هك باش يبقى القدر بيناتهم ولاكان ماكانش الدار انا ننصح كل وحدة تعاني من المشاكل مع عجوزتها تتحمل وتصبر راهو كل شيء يفوت في هذه الدنيا (راني ننصح فيكم عن تجربة)

يا اختي عجوزتي قاموس نتع المعاني تتكلم غير بالمعاني وما يعجبهاش العجب وادا وحذة من الضياف عجبتها خدمتي تقولها اليوم تعدلو يديها ما نعرف منين نزلت الرحمة عمرها ما شكرتني ونحسها تغير مني وتحوسلي على الغالط بش تفسد بيني وبين راجلي حتى شيخي شحال من مرة ينهيها ويقولها زعمة انت الكبيرة والله يا اخواتي هبلتني هبال وغير نصبر عليها نقول الغيرة وحتى يما تقولي كعاذ صغيرة مازالت تغير غير اصبري عليها

noorhane كتب:: يعطيك الصحة موضوع هايل
الحل الوحيد هو العجوزة كي تزوج بنها ديرلو دار وحدوا هك باش يبقى القدر بيناتهم ولاكان ماكانش الدار انا ننصح كل وحدة تعاني من المشاكل مع عجوزتها تتحمل وتصبر راهو كل شيء يفوت في هذه الدنيا (راني ننصح فيكم عن تجربة)

انا ضد تدير العروس دارها من اول يوم يلزمها تعيش مع اهل زوجها تتعرف عليهم وعلى طبايعهم من بعد تقدر تدير دارها وحدها

وانا عايشة مع اهل زوجي في اف 3 ومتفاهمين والحمد لله

سلوى الجزائرية كتب:: يا اختي عجوزتي قاموس نتع المعاني تتكلم غير بالمعاني وما يعجبهاش العجب وادا وحذة من الضياف عجبتها خدمتي تقولها اليوم تعدلو يديها ما نعرف منين نزلت الرحمة عمرها ما شكرتني ونحسها تغير مني وتحوسلي على الغالط بش تفسد بيني وبين راجلي حتى شيخي شحال من مرة ينهيها ويقولها زعمة انت الكبيرة والله يا اخواتي هبلتني هبال وغير نصبر عليها نقول الغيرة وحتى يما تقولي كعاذ صغيرة مازالت تغير غير اصبري عليها

ربي يصبرك اختي سلوى ونصيحتي ديري روحك ما سمعتيهاش وما ترديش عليها حتى يفرج ربي

قوليلي كفاش عجوزتك صغيرة Suspect

نقولك حاجةيها خليها تقول واش تحب بالاكي تردي عليها ماتشكرش على روحها

ربي يصبركم

احلام وردية كتب:: ربي يصبرك اختي سلوى ونصيحتي ديري روحك ما سمعتيهاش وما ترديش عليها حتى يفرج ربي

قوليلي كفاش عجوزتك صغيرة

خخخ حرتي كفاش صغيرة يعني صغيرة في العمر عندها غير 45 سنة وراجلي هو الكبير نتاعها جاباته على 16 سنة وحتى الفرق بيني وبينها 17 سنة برك

على هذا تبقى تعس فيا ومهبلتني كل حاجة نديرها تبخصني في الوجه وتقولي انا ككنت قدك ندير وندير

noorhane كتب:: نقولك حاجةيها خليها تقول واش تحب بالاكي تردي عليها ماتشكرش على روحها

حتى انا نكبر عقلي ومانردش عليها بصح كتكون قدام الناس تغيضني روحي بزاف

اصبري راهو يفرج ربي زعلانة

هبلونا العجايز متخافوش نكبارو ونهلو عرايسنا ههههههههههه

الصبر مفتاح الفرج
سالوني انا قاسيت 5سنين وكي عملت كوزينتي وحدي لفوق خلاصو المشاكل وخصوصا كي يكونو السلافات والطفالات مع بعض عرفي بلي الحرب راح تكون
ودروك يهاتو بيا وندمانين على لي عملو معايا كاين ربي

ايه الاخت امينة انا يبالي الكل لازم يفوت الحرب
كاين 1في 100 لي يفوتوش الحرب هههههههههههههههه

الحمد لله مازلت ما فوتش الحرب هههههههههه لليوم راني مدللة خلاص من جانب زوجي او اهله