قاطو الجلجلانية بالبيمو وصفة جديدة

قبل مانحط المقادير نقولكم ان الكيلة المستخدمة هي كاس نتاع250مل وهذا الكمية تقطع حوالي30حبة على حسب الحجم

المقادير:
زوج كيلات كاوكاو محمص ومدشش
كيلة بيمو مرحي
نصف كيلة سكر احرش
فنجان صغير زبدة ذايبة
زاست حبة قارص،م ص خميرة الحلوى،فاني
البيض نستعمل بيضة مقابل زوج بياض حتى تتلم العجينة
جلجلانية
عسل

[ندعوك للتسجيل في المنتدى أو التعريف بنفسك لمعاينة هذه الصورة]

نخلط الكاوكاو+بيمو+السكر+الخميرة+الفاني+الزاست+الزبدة الذايبة ونبدا نضيف البيض نضيف بيضة+2بياض حتى تتلم العجينة اما اذا ضاعفنا المقادير راح نضاعف كمية البيض
نشكل كويرات بنفس الحجم
[ندعوك للتسجيل في المنتدى أو التعريف بنفسك لمعاينة هذه الصورة]

نغطسها في بياض البيض ثم في الجلجلانية ونحطها داخل لي كيسات
[ندعوك للتسجيل في المنتدى أو التعريف بنفسك لمعاينة هذه الصورة]

وندخلها للفرن تطيب على درجة متوسطة لازم نراقبها لان الحلوى مافيهاش فرينة راهي ساهلة في الطياب
من جهة نكون سخنت العسل وضفتلو شوية ماء الزهر
غير تخرج الحلوى من الفرن نسقيها بالعسل نحط حوالي م ك لكل حبة
نسخن لاجولي وندهنها من فوق باه تبقى تلمع وشكلها يجي شباب ونزين كل حبة حلوى بنصف حبة سوريز كونفي و من الاحسن نغير لي كيسات ونقدمها وهذا شكلها النهائي

[ندعوك للتسجيل في المنتدى أو التعريف بنفسك لمعاينة هذه الصورة]

صدقوني ذوقها هاااايل نتمنى تعجبكم الحلوى

رووووووعة بارك الله فيك

يعطيك الصحة

رووووووووعة يعطيك الصحة