الهام عضو جديد
الدولة : الجزائر عدد المساهمات : 30 السٌّمعَة : 5 تاريخ التسجيل : 08/04/2012 المدينة : بسكرة العمل/الترفيه : الطبخ والحلويات
| موضوع: بطاطا سوتي الأحد 29 يونيو 2014 - 18:37 | |
| هذي البطاطا راهي ساهلة وسريعة واقتصادية يعني ماعندكم حتى حجة باش ماطبقوهاش زيادة على هذا بنينة وتحمر الوجه وطبق مرافق رائع للسمك والدجاج واللحوم والسلطة وحتى وحدة يتكل بنين ممممممممممممممممم[ندعوك للتسجيل في المنتدى أو التعريف بنفسك لمعاينة هذه الصورة][size=32]Pomme de terre sautée à l'ail&herbes fines[/size]المكونات :3- حبات بطاطا كبار مقطعة مكعبات متوسطة الحجم1- حبة بصل متوسطة مقطعة شرائح 4 - فصوص ثوم كبار مقطعة شرائح3- ملاعق كبيرة زيت1- ملعقة كبيرة زبدة التوابل:ملح فلفل أسود فلفل أحمر كمونثوم بودرةالأعشاب العطرية:زعيترةمعدنوس مقطع رقيق اكليل الجبلالطريقة :أولا : نقشر البطاطا ونقطعها مكعبات متوسطة الحجم ماشي صغيرة باش ماتتفتتش وماشي كبيرة بزاف باش طيب من داخل وجي بنينة وباهية في التقديم [ندعوك للتسجيل في المنتدى أو التعريف بنفسك لمعاينة هذه الصورة]نحط البطاطا المقطعة في ماء بارد ونغسلها رايحة تطلق النشاء نتاعها والماء يتعكر لذلك نصفيها من هذاك الماء ونبدلو بواحد آخر صافي وبارد ونخليها على الأقل نصف ساعة هكذا من بعد كي نحطها في المقلاة ماتلصقش في المقلاة وماتلصقش في بعضاها[ندعوك للتسجيل في المنتدى أو التعريف بنفسك لمعاينة هذه الصورة]ثانيا : في الوقت اللي تترقد فيه البطاطا وجدو باقي المكونات : قشرو الثوم وقطعوه ونقيو المعدنوس وقطعوه و قشرو البصل وقطعوه شرائحسيدتي إذا عندك حاجة في خاطرك أبكي بردي قلبك واللي يسقسيك قوليلو راهو البصل [ندعوك للتسجيل في المنتدى أو التعريف بنفسك لمعاينة هذه الصورة]ثالثا : قطري البطاطا من الماء مليح لازم تكون ناشفة تماما من الماء باش ماتلصقش ,أنا حطيتها في هذي اللي نشفو فيها السلطة أكيد كامل عندكم كيفها [ندعوك للتسجيل في المنتدى أو التعريف بنفسك لمعاينة هذه الصورة]واللي ماعندهاش هذيك ممكن تنشف البطاطا بمنديل نظيف رابعا: نحط مقلاة كبيرة وواسعة تسخن على نار قااااااوية ( أنا حطيتها على الكانون الكبير وقويت للنار على الآخر ) سخنو المقلاة بصح ماشي حتان تولي دير في الدخان [ندعوك للتسجيل في المنتدى أو التعريف بنفسك لمعاينة هذه الصورة]كي تسخن نحط الزيت والزبدة يسخنو مليح بصح ماشي حتان يتحرقو ويديرو الدخان لالا يسخنو مليح باش البطاطا كي نرميها ماتلصقش خامسا : نرمي شوية ملح حوالي نص مغرفة صغيرة و نرمي البطاطا في المقلاة وما لازمش نكثر بزاف بطاطا بحيث تكون متراكمة فوق بعضاها ثلاث حبات كبار مرة وحدة يكفي باش طيب مليح وتتحمر كامل مليح لانو كمية الزيت قليلة وعلى هذي قلتلكم مقلاة كبيرة وواسعة ومن الاحسن تكون ثقيلة المقلاة باش البطاطا طيب مليح وماتتحرقش لاحظو النار راهي قااااااااوية ماتنقصوش للنار في الخمس الدقائق الأولى مانحركش البطاطا غير نحرك من ذراع المقلاة باش ماتلصقش البطاطا سادسا : بعد عشر دقائق نضيف البصل لانو يتحرق بسرعة مانحطوش من الاول والآن نبدى نحرك كل شوية نحرك والنار قاوية هنا الهدف انو البطاطا تتحمر وتكتسب لون مايهمش طيب من داخل [ندعوك للتسجيل في المنتدى أو التعريف بنفسك لمعاينة هذه الصورة]هذه المرحلة تتطلب حوالي ربع ساعةسابعا : كي تتحمر البطاطا نضيف الأعشاب العطرية كاملة والتوابل كاملة والثوم شرائح وننقص للنار خلااااااااااااااااااااص يعني أقل درجة ممكنة نار هااااااااادئة جدا ونحرك المكونات باش تتخلط مع بعض وتكتسب النكهات من بعض في هذي المرحلة تكون البطاطا راهي قريب طيب ، هنا تكمل طيابها وترجع طرييية وبنينة مممممممممممم[ندعوك للتسجيل في المنتدى أو التعريف بنفسك لمعاينة هذه الصورة]نحرك بالشوية لانو البطاطا راهي الآن طرية بزاف ممممممممممممممم هذه المرحلة تأخذ حوالي خمسة حتى عشر دقائق نذوق الملح إذا ناقصة نزيد الملح حسب الذوق ثامنا : تقدم مباشرة مع دجاج ، سمك ، سلطة ......................... الخ راهي بنة عظيمة وحتى اللي مايحبش الأعشاب العطرية هذو تعجبو [ندعوك للتسجيل في المنتدى أو التعريف بنفسك لمعاينة هذه الصورة]صدقوني رووووووووعة هذي البطاطا وتغيير عن المألوف وخاصة رانا على أبواب الصيف والوجبات الخفيفة مطلوبة بزاف في السخانة ,من فضلكم طبقو الوصفة بكل حذافيرها وماتخافوش راهم الأعشاب العطرية في هذي الوصفة ملاح عائلتي ما تحبش التوابل والأعشاب العطرية وعجبتهم بزاف [ندعوك للتسجيل في المنتدى أو التعريف بنفسك لمعاينة هذه الصورة] والله العظيم حطيتهالهم مع جاج محمر خلصو البطاطا وبقالي الجاج عن قرب شوفو البنة والطراوة تذوب في الفم مممممممممممممممممممممهنا قدمتها مع دجاج بصح ماكانش عندي البصل مالقيتش والزعيترة لقيتها تعفنت في الخزانة عليها راهي فرطاسة خخخخخخخ قدمتها مع دجاج محمر مممممممممممممممممممممم [ندعوك للتسجيل في المنتدى أو التعريف بنفسك لمعاينة هذه الصورة]طبقوووووووووووووووووها راهي بنينة [ندعوك للتسجيل في المنتدى أو التعريف بنفسك لمعاينة هذه الصورة][size=32]ملاحظة مهمة نسيتها : إذا قليتو مثلا مرقاز أو اسكالوب أو كوطليط ممكن تقليوها في هذاك الزيت مممممممممممممممممم جي بنيييينة [ندعوك للتسجيل في المنتدى أو التعريف بنفسك لمعاينة هذه الصورة][/size] [size=32] ملاحظة أخرى : جربتها في الكوكوط ماتصلحش تلصق في الكوكوط وماطيبش مليح حتى البنة ناقصة ماشي كيما نتاع المقلاة [ندعوك للتسجيل في المنتدى أو التعريف بنفسك لمعاينة هذه الصورة][/size] | |
|
khadidja31 عضو مخلص
الدولة : algerie عدد المساهمات : 440 السٌّمعَة : 37 تاريخ التسجيل : 03/09/2013 العمر : 32 المدينة : oran العمل/الترفيه : decoration
| موضوع: رد: بطاطا سوتي الأحد 29 يونيو 2014 - 19:51 | |
| هههههههههههه شكرا الهام وصفاتك يشهوا و مواضيعك جميلة راني زدتك في التقويم | |
|
امينة عضو ماسي
الدولة : الجزائر عدد المساهمات : 5858 السٌّمعَة : 89 تاريخ التسجيل : 04/03/2012 المدينة : سعيدة العمل/الترفيه : كل ماهو مسلي ومفيد
| موضوع: رد: بطاطا سوتي الأحد 29 يونيو 2014 - 23:42 | |
| | |
|
noorhane عضو مخلص
الدولة : algeria عدد المساهمات : 337 السٌّمعَة : 9 تاريخ التسجيل : 04/03/2014 العمر : 39 المدينة : alger العمل/الترفيه : ماكثة في البيت
| موضوع: رد: بطاطا سوتي الإثنين 30 يونيو 2014 - 14:20 | |
| | |
|
فرفورة عضو فعال
الدولة : maroc عدد المساهمات : 151 السٌّمعَة : 0 تاريخ التسجيل : 05/06/2013 العمر : 29 المدينة : بلادي العمل/الترفيه : الخياطة والديكور
| موضوع: رد: بطاطا سوتي الإثنين 30 يونيو 2014 - 14:47 | |
| | |
|