حلوى السويس رول او البيسكوي رولي

المقادير :

4 بيض

100 غ سكر عادي

100 غ فرينة

الحشو والتزيين :

150 غ كرام شانتيي بودرة

كاس ونصف حليب

كاكاو حسب الرغبة وممكن تستغني عنه

الطريقة :

ضعي البيض في الخلاط الكهربائي مع السكر وخلطي لمدة 10 او 15 دقيقة على سرعة كبيرة حتى يتضاعف الحجم الى 3 مرات

اضيفي الفرينة على مرتين ولكن خلطيها باليد وحاولي تدخليها بالشوي حتى ما يهبطش الخليط

ضعي الخليط فوق ورق الطهي في بلاطو ودخليه الفرن لمدة 10 او 15 دقيقة على درجة حرارة 180 درجة

لما يطيب انزعيه واتركيه يبرد لمدة 2 دقائق واقلبيه فوق ورق طهي جديد وانزعي الورق لي من الاسفل

اتركي البسكوي نتاعك يبرد

وفي نفس الوقت ضعي كاس ونصف حليب مع الكرام شانتيي بودرة وملعقة كبيرة سكر وخلطي بالخلا ط الكهربائي

حتى تطلع وتتماسك

لما يبرد البيسكوي اقلبيه وادهنيه بالكرام شانتيي وممكن تزيدي له فراز مقطعين صغار

ولهوثي البيسكوي وما تخافيش اضغطي بيدك مليح عليك راه ما يتكسرش

ادهني البيسكوي من الفوق بالكرام شانتيي الباقية وزيني كيمة تحبي

[ندعوك للتسجيل في المنتدى أو التعريف بنفسك لمعاينة هذه الصورة]

راني جاية

واااااااااااااااااااااااااو روعة يعطيك الصحة ريان

والحمد لله ع سلامتك اختي

وزيدي وتكرمي وحطي غوسات القاطو المدور لفي الصورة

noorhane كتب:: راني جاية

مرحبا بك نورهان اني في انتظارك

منى الباتنية كتب:: واااااااااااااااااااااااااو روعة يعطيك الصحة ريان

والحمد لله ع سلامتك اختي

وزيدي وتكرمي وحطي غوسات القاطو المدور لفي الصورة

الله يسلمك اختي منى

وشكرا لك على المرور نورتي الصفحة

القاطو لشفتيه شوية عجينة الرولي وعملته في مول السليكون من عملتله شوكولا من فوق تجربة فقط

وان شاء الله نحطلكم غوسات روعة لنفس المول

الله الله اعرضي الاحباب وانسايني ههههههههه ياخي بارك افوراج مش بعيدة

هيا ارواحي مرحبا بيك

انت لدرتيها ولا شرتيها ههههههههه اعترفي يا ريان

رووووووووووووووووووووعة

رووووعة ريونة حبيبتي بارك الله فيك

وااااااااااااااااااو سخفتووووووووووووني

روعة روعة رووووووووووووووووووووووووووووعة

شكرا لكن اخواتي على المرور وعلى الردود الطيبة

منى ارواحي اني في الانتظار

احلام شريتها ههههههههههه اكيد عملتها حنونتي انا كل شئ نعمله في البيت

امينة نورتي الموضوع

نسرين حبيبتي ما تبقايش بالسخفة اتفضلي باسم الله

اممممممممممم يشهي.

نستطيع استبدال الكريم شونتي بالمربى او بالشوكولا.

ام عبد المجيد كتب:: نستطيع استبدال الكريم شونتي بالمربى او بالشوكولا.

نعم اختي ام عبد المجيد ممكن نستبدل الكريم شانتيي بالمربي او القاناش او كريمة الزبدة المهم اي شئ تحبيه او متواجد عندك