ميار عضو ماسي
الدولة : الجزائر عدد المساهمات : 3228 السٌّمعَة : 105 تاريخ التسجيل : 17/08/2012 المدينة : قلب الماما العمل/الترفيه : طالبة
| موضوع: قصيدة ولا اروع.......... السبت 27 يوليو 2013 - 7:18 | |
| هذه محكميتي
نصحوني مرة صحابي بالزواج ... و قالولي بركاك من التعواج
راهي رايحة تديك المواج ... إذا بقيت في العزوبية
بقيت نطلع في الحساب ... و لقيت كلامهم صواب
و في الغد بعثتهم نواب ... يطرحوا لأهلي القضية
بابا وافق في الحال ... و قال نجيبوا بنت الخال
و يما جاها في البال ... يخطبولي وحدة بدوية
تفاهمنا على بنت المدينة ... قالو فاهمة ورزينة
راهي تمخمخ في الكوزينة ... وتطبخ طبخات زينة
عولنا وقصدنا الدار ... حاملين في يدينا النوار
ودرنا وحنا زوار ... قاصدين بنت معينة
الخال في بنتو شكر ويزيد ... قارية وما تركتش المسيد
وصحيحة كي الحديد ... بنت العلم والتربية
قلت واش هي الشروط ... راني صرت ليكم مربوط
ومالي عندكم محطوط ... ونزيدلكم الشهرية
قالي يا وليدي سجل ... 20 صباط باش تبدل
و 50 سروال مفصل ... و يكونو ضيقين شوية
وزيد كيلو ذهب صافي ... تجيبو وانت زاهي
والشنتوف ما هو كافي ... راني درت فيكم مزية
بنتي راهي غاية وشريفة ... ما تتركش يدها خفيفة
20 خاتم في القفيفة ... تحطهم في يدها هي وسلسله غاليه ما تنساش ... والمليون لازم يكون معاك
والحايك مرمة لازم تلقاه ... وتقدمو لبنتي هدية
قالي يا السي موووح ... بلاك تنسى خيط الروح
باش يزيد لبنتي الروح ... تبقالك ديما حية
تشريلها عشر كباش ... والدجاج مشوي ما تنساش
وزيدلها مترا قماش ... هادي حاجة رمزية
بنتي ما تضربش النشاف ... ومن الحمام تخرج بالتلحاف
وشعرها جيبلو حفاف ... وتزور sa mère كل عشية
الطفلة نطقت ملهيك ... يا بابا لازم تنهيه
يتركني نحكم فيه ... ويمشي معايا بالنية
قالي الشرط ما خلاص ... نقراو الفاتحة قدام الناس
قلتلو راني لباس ... ومنين نهرب يا خويا
درنا العرس نهار الخميس ... وكثر فيه الهراج والتهراس
المطرب يخلط على الناس ... والدرباكي يعفس تعفاس
والجمهور راهو نعاس ... والبراح يبرح شوية
جابو العروسة للبيت ... كي شفتها من الخوف بكيت
شعرها على الطابلة محطوط ... وراسها من الشعر مزبوط
رافدة معاها عشر قطوط ... تلعب لعبة هزلية
لقيتها مركبة قطع غيار ... شعرها وحواجبها ولشفار
و كي ضحكت كل شيء طار ... هادي ماركة عصرية
قالت لازم نبقى حرة ... ويماك لازم ترميها برة
وما تكثرش الهدرة ... أنا طفلة متحضرة
قلت يا امرة لازم تفهمي ... ترفدي حوايجك و اخطيني
منقوووول
| |
|
الروح الطيبة عضو مخلص
الدولة : جزر القمر عدد المساهمات : 472 السٌّمعَة : 1 تاريخ التسجيل : 03/07/2013 العمر : 28 المدينة : موروني العمل/الترفيه : الالعاب الالكترونية
| موضوع: رد: قصيدة ولا اروع.......... الأربعاء 31 يوليو 2013 - 12:28 | |
| 10 | |
|
Admin المديرة :ايمان
الدولة : الجزائر عدد المساهمات : 5468 السٌّمعَة : 170 تاريخ التسجيل : 05/09/2011
| موضوع: رد: قصيدة ولا اروع.......... الجمعة 2 أغسطس 2013 - 2:58 | |
| ههههههههه بارك الله فيك ميار | |
|
ميار عضو ماسي
الدولة : الجزائر عدد المساهمات : 3228 السٌّمعَة : 105 تاريخ التسجيل : 17/08/2012 المدينة : قلب الماما العمل/الترفيه : طالبة
| موضوع: رد: قصيدة ولا اروع.......... الجمعة 2 أغسطس 2013 - 19:43 | |
| | |
|
امينة عضو ماسي
الدولة : الجزائر عدد المساهمات : 5858 السٌّمعَة : 89 تاريخ التسجيل : 04/03/2012 المدينة : سعيدة العمل/الترفيه : كل ماهو مسلي ومفيد
| موضوع: رد: قصيدة ولا اروع.......... الأربعاء 20 نوفمبر 2013 - 18:42 | |
| ههههههههههههههههههههههه روووعة | |
|
ميار عضو ماسي
الدولة : الجزائر عدد المساهمات : 3228 السٌّمعَة : 105 تاريخ التسجيل : 17/08/2012 المدينة : قلب الماما العمل/الترفيه : طالبة
| موضوع: رد: قصيدة ولا اروع.......... الخميس 21 نوفمبر 2013 - 14:01 | |
| | |
|
صباح عضو نشيط
الدولة : الجزائر عدد المساهمات : 63 السٌّمعَة : 0 تاريخ التسجيل : 14/06/2013 العمر : 25 المدينة : باتنة العمل/الترفيه : كل ماهو مسلي
| موضوع: رد: قصيدة ولا اروع.......... السبت 23 نوفمبر 2013 - 13:55 | |
| | |
|
ميار عضو ماسي
الدولة : الجزائر عدد المساهمات : 3228 السٌّمعَة : 105 تاريخ التسجيل : 17/08/2012 المدينة : قلب الماما العمل/الترفيه : طالبة
| موضوع: رد: قصيدة ولا اروع.......... الإثنين 25 نوفمبر 2013 - 13:20 | |
| | |
|