السلام عليكن اليوم جبتلكم وصفة ررررررررررررررررايعة ,اروع من كل لطارتولات الي يتباعو
خفيفة وبنينة ,,,,,,,,,,,,انشاء الله كي تجربوها رايحين تدعولي
العجينة
250 غ فرينة,125 غ زبدة,60 غ سكر,بيضة,قرصة ملح,فاني
نخلط الفرينة مع الزبدة الملح والفاني حتى تتمازج,من جهة اخرىنضرب البيضة مع السكر ,,ونضيفو للخليط
نلمو العجينة بلا ما نعجنو ,,نغطوها بساشي ونلوحوها في الثلاجة ترتاح
[ندعوك للتسجيل في المنتدى أو التعريف بنفسك لمعاينة هذا الرابط]في الوقت لي ترتاح فيه العجينة نحضرو كريمة القارص
2 بيض نضربوه مع 100 غ سكر نزيدولهم عصير حبة قارص ,1 ونصف ملعقة اكل نشا,كاس ما (انا نستعمل كاس متاع لحليب) نذوبو النشا في الما
نحطوهم علي النار ونحركو حتى تخثار
نحيوها من على النار ونضيفولها 1,5 ملعقة كبيرة زبدة ونحركو ,,,,نخليو الكريمة تبرد
[ندعوك للتسجيل في المنتدى أو التعريف بنفسك لمعاينة هذا الرابط]نخرجو العجينة من الثلاجة نشكلها في لمول صغار الي يديمونطاو ,,
نثقبوهم وندخلوهم الفرن 180 د كي يحمارو من فوق ومن تحت نخرجوهم ,وندمونطيوهم نخليوهم يبردو
[ندعوك للتسجيل في المنتدى أو التعريف بنفسك لمعاينة هذا الرابط]من جهة اخرى نقوم بتحضير ميرانق على الطريقة الايطالية
2 بياض بيض,150 سكر
2 بياض البيض نضربوه كي الثلج ونضيفولو 2 ملاعق من السكر ونضربوه
بقية السكر نضيفولها 3 ملاعق اكل ما ونحطوها على النار ونحركو حتى نحسوه ثقال نحصلو علي سيرو
نسكبو السيرو بالشوي على البياض مع الاستمرار في خفق البياض حتى تبرد الميرانق
[ندعوك للتسجيل في المنتدى أو التعريف بنفسك لمعاينة هذا الرابط]في الاخير عمري الطارتولات بالكريمة وزيني بالميرانق
[ندعوك للتسجيل في المنتدى أو التعريف بنفسك لمعاينة هذا الرابط]حمري الميرانق من الفوق بالشاليمو الخاصة بالقاطو ,,واذا معندكش رديهم للفور وخليه مفتوح وشعليه من فوق
[ندعوك للتسجيل في المنتدى أو التعريف بنفسك لمعاينة هذا الرابط]ملاحظة السكر الي في الوصفة هو سكر عادي