.
ياكتيفيو تاع القغاطوي نهار بنهار لاسباب مادية محظة و يقصرو فور و بعد ما يكوبيو هو يحط راسو على مخدة من نوع دودانة و يتغطى بكوفيرطة مصور فيها نمر من كثرة لغسيل رجع شادي و يخمم في حبيبتو و يبدا يتخايل كالمقنين مستقبلو معاها و وليدو واش يسميه و يمشي معاها في حديقة الحامة و يبيكنيكيو ببراد اتاي و باطة فرماج و خبزة فطير حتى يرقد مسكين كوم ان بيبي بوغتون جامي كان بيبي في حياتو و نهار زاد..زاد كبير بالشلاغم .
.
.
.
.
و هي مسكينة تتغطى بكوات من نوع سبيدرمان شراتها من حي الجرف صولد خلالهم 6 ب 100 الف صنع في الصين زوج غسلات سبيدر مان شيان من جافيل بغاف
ايا مسكينة تكون لابسة بيجاما غوز بون بون 4 سيزون يعني في البالكون كي تكون تنشر تشوف لون و كي تكون تسيق لون و كي ترقد لون
و تخمم في المخلوق ديالها و تتصوره كفارس احلام و تقدر من قوة الحب تيماجيني يجي يديها كيما ساندريلا و دير تاج فوق راسها ..تتفكر ياماتها معاه = العلاقة عندها سمانة فقط= و تفكر في وليدها لي راه يتكون في الشجرة تاع الكاوكاو في ام درمان بالسودان و واش تسميه
تحكم هاتفها النقال من نوع نوكيا 1100 و تعنقو في صدرها و ترقد فاتحة فمها لانها تحلم من جيهة فمها .
.
.
.
.
.
المهم ربي يكون في العون الشي الصعيب .