موضوع فري فري امبورتانت

أنا حلوة ومزة وكلي انوثة.. وواثقة في نفسي ولسه عروسة"

عايزة أتكلم معاكوا النهاردة فى موضوع فري فري امبورتانت

موضوعى موجه بشكل خاص للقطط اللى بيشتكوا انهم مش ماليين عين ازواجهم
ومش حاسين ان فيهم حاجة حلوة

واللى بيتكسفوا يغيروا من شكلهم ولا من اسلوبهم لجوزها يسمعها كلمة مش حلوة ويحبطها

تعاليل بأه يا قطة منك لها لها لها

أحب أقولك حاجة فى الأول

اذا انتي محبتيش نفسك ازاى منتظرة من غيرك انه يحبك ؟
اذا انتى مكنش عندك ثقة فى نفسك ازاى منتظرة من غيرك انه يعملك اعتبار ؟

أول خطوة عشان تملى عين بعلولك هى انك ...

تحبي نفســــك تحبيها بكل ما فيها عيوبها مميزاتها

يا قطاقيط مفيش بنوتة مش جميلة
لكن فى بنوتة مش عارفة مواطن الجمال فيها
فى بنوته من كتر ما هى مش واثقة فى نفسها وضعيفة الشخصية مش قادرة تشوف مواطن جمالها وأنوثتها

لازم كل قطة فيكوا تكتشف مواطن جمالها وجاذبيتها

وتهتم بيها جدا وتظهرها " لبعلولها بس يا قطة مش لكل رجالة المنطقة "

دلوقتى كل قطة فيكم تقف أدام المراية
استنى مش دلوقتى خلصى الموضوع وبعدين نفذى

دققى فى كل حتة فيكى من شعرك لحد ضوافر رجلك
شوفى ايه اللى انتى حباه فى نفسك

مش مهم ابدا عندى راى غيرك فيكي ايه

المهم انتى شايفة نفسك ايه
عينيكي حلوة
يبقى تحمدى ربنا على النعمة دى لان فى غيرك عينيه مش حلوة او ربنا حرمهم تماما من نعمة البصر

شفايفك مرسومة وناعمة
احمدى ربنا اوى لان فى غيرك شفايفهم مش حلوة او حتى ربنا ابتلاهم بتشوهات خلقية

بشرتك ناعمة ؟
شعرك لونه حلو ؟
ناعم؟
ايدك حلوة وصوابعك طويلة ؟
جسمك حلو لا مليان ولا رفيع ؟
لون عنيكي حلو ؟

شوفى مواطن الجمال ايه

حتى لو لقيتي حاجة واحدة بس
احمدى ربنا عليها اااااااوى لان غيرك محروم منها

أول ما تعثري على الحاجة الحلوة اللى فيكي اهتمى بيها اوى
واظهريها وكل يوم بصلها فى المراية وقولى الحمد لله

اعجبي بيها وبنفسك حبيها وحبي نفسك

لان مش ممكن حد يحبك الا لو حبيتي نفسك الاول

عارفين يا بطابيط
فى مسابقات ملكات الجمال
بتلاقى بنات مشتركات مفيهمش ريحة الجمال اصلا
وممكن تكسب مراكز كمان
ليه ؟

هى حبت نفسها واقتنعت بنفسها
وده أثر على اللي ادامها

مش قصدى اعيب فى حد بس مثلا واحدة زى امينة شلباية حد يقولى ازاى تكون ملكة جمال ؟
يعني مفيش حد فى مصر احلى منها ؟

اكيد فى ؟
ومليون واحدة كمان

بس هى حبت نفسها وده خلاها شخصية قوية
وواثقة من نفسها
فدة اثر عليها وعلى اللى ادمها

اسفة انى بدى امثلة كدة بس مضطرة عشان اقرب الصورة ليكوا

والخلاصة اللي عايزة اقولها يا موزز

انك اكيد ولابد وحتما لازم يكون فيكى حاجة جميلة تحبيها وتقتنعى بيها

وميهمكيش راى غيرك ابدا ابدا ابدا

لان اصلا الناس ازواقها مختلفة

لو انتى حبيتى نفسك اكيد دة هينعكس عليكي وبالتالى هتثقى في نفسك والثقة تتنقل لزوجك

اللى زوجها بيغلس علهيا وبيعلق مثلا على تخنها
اول ما يقولها كدة مش تجري على الاوضة وتعيط زى البيبيهات وتقولى انا مش حلوة انا كذا وكذا
انتى كدة بترسليله رسائل سلبية جدا عنك

اول ما يقولك كدة

قوليليه انا صحيح تختوخة بس عنيا حلوة وعجبانى وصحابي هيتجننوا على لون عيني
قولى كدة بدلع ومياصة وانتى واثقة فى نفسك
حسسيه انك شايفة نفسك حلوة
والله بجد ده هياثر عليه جدا

احكيلكوا موقف
انا بعد الولادة تخنت تمام
زوجى كل شوية يقولى اييييييييييييييه ده انتى تخنتى اوى
المهم بدل ما كل شوية اقول اه صحيح انا تخنت انا شكلى مكعبر انا عاملة كدة ليه
بقيت كل شوية اقول ادامه
الله الخاتم ده مكنش بيدخل فى صبعى دلوقتى بيدخل شكلى خسيت
اقف ادام المراية واقول انا حسه فى البادى ده بطنى نزلت كتير عن الاول
الله الاسورة دى كل ما كنت البسها كانت بتعلم فى ايدي عشان ضيقه دلوقتى لا
اكيد انا خسيت
والله العظيم لقيته بيقولى ايه ده انتى خسيتي على فكرة

وانا والله زى ما انا لا خسيت ولا حاجة
بس فضلت اديله فى رسايل ايجابية لحد ما صدقها واقتنع بيها

لكن لو كنت فضلت اقول انا تخينة وزى شوال البطاطس كان هيصدق ده ويقتتنع بيه ومش هيشوف غيره كدة حتى لو خسيت شوية

يبقي زى ما اتفقنا
حبي نفسك واقتنعى بيها
وحولى تغيري اللى مش عجبك
وحطى ادامك الجملة دى وكرريها دايما

" أنا حلوة وموزة وكلى أنوثة , وواثقة فى نفسي ولسه عروسة "
افضلى كرريها لحد ما تصدقيها

ده اسلوب اسمه اقناع الذات

" أنا حلوة وموزه وكلى أنوثة , وواثقة فى نفسي ولسه عروسة "

" أنا حلوة وموزه وكلى أنوثة , وواثقة فى نفسي ولسه عروسة "
" أنا حلوة وموزه وكلى أنوثة , وواثقة فى نفسي ولسه عروسة "

شايفاكى يالى اعده ومكسلة تقولى معانا
يلا بصوت اعلى يا قطاقيط

" أنا حلوة وموزه وكلى أنوثة , وواثقة فى نفسي ولسه عروسة "" أنا حلوة وموزه وكلى أنوثة , وواثقة فى نفسي ولسه عروسة " أنا حلوة وموزه وكلى أنوثة , وواثقة فى نفسي ولسه عروسة "

منقول لعيونكم هههههههههههههههههه

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

يسلمووووووووووووو