السلام عليكم
كيف احوالكم خواتاتي
نظراً للمواضيع المتكررة لي
يطرحوها الاخوات فيما يخص الكول درابي
قلت لما لا ندير موضوع شامل
لانواع الدرابي لي تقابلنا و نحلو
لي يعانيو منها بزاف منكم
و جبت امثله و حاولت ندير
فصالة كل واحد على حدى
طبعا انا مانعتمدش في تفصيلي
بقياسات مضبوطة ولا بنسات
او زم و تحويل انا تفصيلي
يدوي عادي بدون تعقيد طبعا
علاباكم ماقريتش المبادئ الاساسيه
للخياطه هي فقط محاولات و تجارب
و اجتهاد شخصي
(وعندي مافزدت كتان في جرة الدرابي هذا ههه)
و بما انو لحوايج لي نفصلهم
ما يتعداوش تصاميم بيتيه
ان صلح التعبيير 
اذن الشرح راح يكون بسيط اوكي
و لي تحب تفهم اكثر ماعليها غير تتعمق
و تقرى و تسقصي المختصين
قبل مانبداو حبيت نقوللكم عفسه 
سر الدرابي باش يصلح
هو وضعية القماش
*ميش لازم بصح من الاحسن*
يكون بالجهة المطاطيه
هكذا
 | إضغط هنا لمشاهدة الصورة كاملة |
اول باترون
نحاولو نفذوه هو الساهل
كول درابي سامبل مافيهش النقشات
على مستوى الكتف
معناه الدرابي غير مكثف
وما بعدناش بزاف في فتحة الصدر
تبعوني
ترسمو الباترون فوق جرنان
و تقطعو الجرنااااان راني
ناكد الجرنان ماشي لكتان لتوخضينا 
و تحطي الباترون نتاع و هاوليك كيفاش تخدمي
| إضغط هنا لرؤية الصورة بحجمها الطبيعي. |
| إضغط هنا لمشاهدة الصورة كاملة |
| إضغط هنا لرؤية الصورة بحجمها الطبيعي. |
بعد لخياطه جي هكذا
نقدرو نستغناو على لخياطة على حافة الكول
و ندورو الطرف الزايد لداخل هكذا
| إضغط هنا لرؤية الصورة بحجمها الطبيعي. |
والنوع الثاني
الدرابي فيه يكون هابط اكثر
كثير الحالات يستعمل على
مستوى الظهر ونتي على قدما تحبي
الدرابي يهبطلك ايكارتي كثر
و خرجي الزيادة اكثر(من وسط الصدر )
و ما طلعيش الزيادة من فوق بزاف
و لكان حبيتيه مخنوق شوي طلعي
الزيادة
اوكيي
هاو ليك الرسم
| إضغط هنا لمشاهدة الصورة كاملة |
| إضغط هنا لرؤية الصورة بحجمها الطبيعي. |
| إضغط هنا لرؤية الصورة بحجمها الطبيعي. |
| إضغط هنا لمشاهدة الصورة كاملة |
| إضغط هنا لمشاهدة الصورة كاملة |
النوع الثالث
درابي في البيستيي وفيه نستعملو
البليات على الجيهتين
باش نتحصلو عل النقشات
نحضرو الباترون الاساسي بقياساتنا و نقطعو
( الباترون ماشي الكتان اوكي )
و نبعدو الطراف على بعضاهم يعني نوسعو
في لقماش قدما تحبي تكثري
النقشات بعديهم على بعضاهم
هاو الرسم يوضحلك اكثر
| إضغط هنا لمشاهدة الصورة كاملة |
| إضغط هنا لمشاهدة الصورة كاملة |
| إضغط هنا لرؤية الصورة بحجمها الطبيعي. |
و كي تفصلي و جي تخيطي عاودي دخلي النقشات و رديه لشكلو الاول
تنبيه : في الدرابي خياطة النقشات يكون لاعلى ميش لاسفل
| إضغط هنا لمشاهدة الصورة كاملة |
النوع الرابع
الدرابي بالنقشات
في الكتف هذا يبان معقد بصح هو ساهل
من الاحسن فيه يكون تقطيع
على مستوى البطن يعني يتفصل
الجزء العلوي وحدو والسفلي وحدو
و هاو الرسم لي عملتو
| إضغط هنا لمشاهدة الصورة كاملة |
| إضغط هنا لمشاهدة الصورة كاملة |
| إضغط هنا لمشاهدة الصورة كاملة |
| إضغط هنا لرؤية الصورة بحجمها الطبيعي. |
الزيادة مهما كانت لازم تنتهي في
وسط الرقبه ب زاويه قائمه
و بعد التفصيل على القماش كي
نجيو نخيطو الكتف الخلفي مع
الامامي نحقق النقشات لي عملتلهم
الزيادة و نخلي قيمة 3سم نرجعها
للداخل كي شغل سجاف
النوع الخامس
الدرابي يكون كول طالع
و هذا نستعملوه
في الملابس الشتويه اكثر
هو مافيهش النقشات على مستوى
الكتف بصح لكان حبيتي ديريهم
تقدري تولي للنوع الرابع و
ماتنسايش الزيادة لي عملناها
على مستوى الرقبه. (4سم) باش
يجيني طالع على الرقبه
| إضغط هنا لرؤية الصورة بحجمها الطبيعي. |
راني شرحت اكثر انواع الدرابي استعمالاً ان شاء الله تكونو فهمتو شويه و كيما قلتلكم هذا واش نعرف انا
لي تعرف كثر و عندها إضافات تحطها 
ماعنديش حتى تحسس 
رانا كامل نتعلمو و ماذابيا تصححولي اخطائي و اكيد راح نستفادو كلنا و السلام عليكم و رحمة الله و بركاته
الجمعة 8 يناير 2016 - 14:43 من طرف asmamira
المدينة
موضوع: موضوع شامل للرقبه الدرابي. 
