مقروط الكوشة يذوب في الفم

السّلام عليكم و رحمة الله تعالى و بركاته

 في خاطركم حبيباتي مقروط الكوشة ممم يذوب في الفم صراحةً
[ندعوك للتسجيل في المنتدى أو التعريف بنفسك لمعاينة هذه الصورة]
تفضلن 
المقادير:
* 2 كيلات تشيشة مغربلة
* كيلة فرينة
* 1 م ص فاني
نوزنهم .. إذا لقيتي 500 غ فيعني:
* 250 غ مرغرين فلوريال طريّة 
المعنى : المرغرين = 1/2 وزن التشيشة مع الفرينة
* 1 م ك سكر قلاسي
* 1/2 كيلة ماء+ماء زهر
* 1 م ص خميرة خبز
الطريقة:
* نخلط المقادير الجافة و نوزنهم كيما سبق و قلت
* نضيف المرغرين طريّة و نخلط 
* ثم 1/2 كيلة ماء+ماء زهر و نعجن لازم نعجن
* في الأخير نضيف الخميرة
* العجينة راح تجيك تلصق شوية
الحشو: على حسب وش متعودين أنا عملت الآتي
* 150 غ لوز+40 غ سكر+بياض البيض و نلم بشوية ماء زهر+شوية فاني
* نزن الحبات 50 غ و الحشو 15 غ و نديرها في المول تع الغريبية 
* نطهيها في فرن ساخن 160 درجة حوالي 20-25 دقيقة كل وحدة و الفرن ديالها 
* ثم نعسلها و هي ساخنة
ملاحظة: هذا المقروط ممكن يتعمل رولي .. يعني تحلي العجينة و تحلي حشو التمر و تروليه يجي توب تاني 
[ندعوك للتسجيل في المنتدى أو التعريف بنفسك لمعاينة هذه الصورة]