المقادير
كبدة غنمي
قصبر و معدنوس مقطع
6 فصوص ثوم مدرةسين
التوابل ملح. فلفل اسود. فلفل ابيض. كروية. فلفل احمر اي عكري . فلفل دريس
شويا زيت
شويا فرينة
التحضير
نحضر المقادير السابقة
في طبسي ندير شويا معدنوس و قصبر مقطعين و التوابل المذكورة ندير من كل واحد شويا و نص كمية الثوم و ندير شويا زيت
و نقطع الكبدة قطع كبار و نحطها في التشرميلة و على قول المغاربة الاقامة
و نخلطها مليح ونخليها تشرب تشرميلتها
و كي تشرب تشرميلة تاعها نرمدها في الفرينة
و نقليها في شويا زيت نص طياب
نحط الزيت لي قلينا بيها في طنجرة
وندير شويا ماء في الطبسي لي درنا فيه الشرمولة و نحطو في الطنجرة
و نعاود ندير شويا توابل لي قعدت
و شويا معدنوس وقصبر و الثوم لي قعدت
ونديرها طيب
امبعد نقطع الكبدة قطع صغيرة
و نديرها طيب كي تعقد نطفيلها ونديرلها ملعقة خل