حلوى الملفوف بنواة كوكو

المقادير
العجينة:
400غ مرقرين،200غ زبدة ستار،كاس سكر رطب،4بيضات الصفار نعملوه في العجينة والبياض في الحشو،2خميرة،فاني،كيلو فرينة،9ملاعق كبار حليب
الحشو:
2كاس نواد كوكو،كاس سكر رطب،4ملاعق كاكاو،4بياض بيض،كمية من الماء
الطريقة:
نحضر اولا الحشو نخلط النوادكوكو والسكر رطب والكاكاو ونرحيهم في الروبو وهذا لتسهيل عملية بسطه على العجينة نحط في اناء ونضيف بياض البيض وكمية من الماء لازم الحشو يكون
مطلوق شوية لتسهيل عملية بسط على العجينة
من جهة نحضر العجينة نخلط المرقرين والزبدة والسكر نخلط جيدا ثم نضيف صفارالبيض والحليب ثم الفاني والخميرة والفرينة
نقسم العجينة على ثلاث او اربع كرات
نستعمل النايليون نرش بشوية فرينة ونبسط العجينة بالحلال وممكن نرش شوية فرينة على الحلال لتسهيل عملية البسط ونرقها على قد ما نقدر كما هو موضح
://[ندعوك للتسجيل في المنتدى أو التعريف بنفسك لمعاينة هذا الرابط]

ثم نضع كمية لاباس بها من الحشو ونبسط على العجينة
[ندعوك للتسجيل في المنتدى أو التعريف بنفسك لمعاينة هذا الرابط]

نبدا نلف العجينة غير بالعقل ونحسب 6لفات ونقطع
[ندعوك للتسجيل في المنتدى أو التعريف بنفسك لمعاينة هذا الرابط]
نتحصل على حربوش كما في الشكل
[ندعوك للتسجيل في المنتدى أو التعريف بنفسك لمعاينة هذا الرابط]

بعد ما نكمل العجينة نحط الحرابش في الثلاجة لتسهيل عملية القطع
بعدها نقطعهم مربعات وندخلهم يطيبو في الفرن على درجة حرارة 180درجة لما يطيبو من الاسفل نشعل من فوق حتى ياخذو لون خفيف فقط
[ندعوك للتسجيل في المنتدى أو التعريف بنفسك لمعاينة هذا الرابط]

ما يبردو تماما نغطسهم في شكولة مذوبة على حمام مائي ونزينهم من فوق حسب الرغبة وهذا شكلهم النهائي
[ندعوك للتسجيل في المنتدى أو التعريف بنفسك لمعاينة هذا الرابط]

وهذا شكلهم من الداخل
[ندعوك للتسجيل في المنتدى أو التعريف بنفسك لمعاينة هذا الرابط]